kyun k zindagi bohat mukhtasir hai.....

Ksi ne kaha hai k "Dunyia ke adhe masael hal hojayen agar log ek dosre ki baten karne k bajaye ek dosre se bat karen." lekin kya karen k hamare mashre ka almya yhi rha hai k aam tor par mil beth kr amne samne bat kar k apas k masael hal karne aur galat fehmyan dor karne k bajaye peeth peche ye kam bare zoq o shoq se sr anjam dete hain aur phir isse narazgyan barhti hain. baat rishte daron ki ho ya doston ki ya phir miya biwi, ki nok jhok barh jaye tu apas k talluqat mutasir hote hain. dil mein ek dosre k lye bugz, keena, hasado nafrat rakh kar rishto se la talluqi baratna rishto mein doryan barhane k mutradif hai in doryon aur faslon se kuch hasil ni hota balke insaan khud akela pan mehsos karne lagta hai. 

yun tu dono taraf k logon ko ye zeb ni deta k wo peeth peche aik dosre ki burayi karen kyun k ye geebat k zamre mein ajata hai lekin agar koi ap k sath aesa rawayya rakhta hai tu us ki dagar pr chalne k bajaye sulah mein pehl karni chahye, apne gusse pr qabo rakhna chahye, apni zaban se koi aesi baat kehne se gurez karen jo dosre ka dil dukhane ka sabab bane kyun k sakht lehja aur zaban se nikle hue lafz kbhi wapis ni ate. apne qareebi rishto mein, doston mein, class fellows mein galat fehmyon ko tol de kr dosron ko baten banane ka mouqa fraham ni krna chahye aur sb se ehem bat apni galtyon ko tasleem karlena chahye isse koi chota ni hojata ya izzate mein kami ni ajati balke dosre k samne apki izzat aur barh jati hai. 

Apne khuloos aur mohabbat se in faslon ko samet len kyun k ye zindagi bohat mukhtasir hai is mein larae jhagron aur narazgyon ki koi gunjaesh ni. khud bhi khush rahen aur dosron ko bhi iski targeeb den. 

Allah hum sb ko apas mein behtreen talluqat qaym rakhne ki taufeeq ata kare. (Ameen)